حلول مشاكل NOKIA

بسم الله الرحمن الرحيم
السلام عليكم ورحمه الله وبركاته
أحبائ وأخوانى أعضاء منتدى ايفاوال اليوم جايبلكم موضوع مهم لكل واحد عنده جوال واالى ماعنده جوال احسله .
في البدايه احب اقولكم بصراحه هذا الموضوع متعوب عليه اتمنى ان كل واحد عنده مشكله في جواله تنحل في هذا الملخص عن مشاكل الجوال وحلولها واللى عنده مشكله ومو محصلها هنا يكتبلى هى وان بأذن الله اعطيه الحل والله ماادرى من فين ابدأ بس يالله بسم الله .وطبعا ًهذى بعض الجوالات اللى منتشره مع الناس.
وقبل هذا كله معلومه بسيطه اذا تبغى تعرف السيريل نمبر حق الجهاز اضغط *#06#
واذا تبغي تعرف اخر سوفت وير في الجهاز(الفيرجن)اضغط*#0000#
ولعلمكم اتوحدة شركات الضمان مع بعض يعنى اذا عندك جوال بضمان (الاتصالات) تقدر تصلحه في شركه (الحداد) والعكس صحيح وشركات الضمان المعترف بها من قبل شركه NOKIA (الحداد - الاتصالات - مشاعل الخليج - اكسيوم - نادى الاتصالات - كلّم )

N95
مشكله الجهاز هه هه عفوا اقصد مشاكل الجهاز
1-الخرائط لاتعمل بشكل جيد gps
2-البطاريه تفرغ سريعا.
3- صوت زنه فى السماعه.
4-مشاكل في البلوتوث.
الحل:
اضغط *#0000#اذا كان الفيرجن اللى في جهازك يبدا ب(v 10)روح اقرب مركز صيانه جوال وقله حط فيرجن (v12) وان شاء الله تنحل كل المشاكل اللى في الجهاز.اما السماعه تتغير

N73
انا متأكد كثير عندهم هذا الجهازالله يعينهم عليه بصراح جهاز كويس ودمار في نفس الوقت كيف ؟! انا اقلكم كيف ! الجهاز اذا تعتنى به يمشى معاك ذى الحلاوه بس اذا ماتعطيه وجه الله يعينك ينظف جيبك .وترى (73) العايدى والمطور نفس الشئ بس الاختلاف في اللون اسود والذاكر 2G بس
ونبدا فى مشاكله:
1-هذى اول مشكله واللى كسبت الشركات ذهب القير سريع الكسر وتغيره بفلوسك.
2-المايك يقطع احيانا يعنى لمن تتصل على احد مايسمعك وانت تسمعه.
3-لمن يتصل عليك احد يعطيه الجوال مقفل.
4-الاغانى المخزنه في الذاكره ما تطلع في الاوضاع.(هذا بالنسبه لل(N73 MUSIC EDITION)
5-يعلق الجوال.
6-ما يثبت برامج.
7-ما يسوى ثيمات.
الحل:
كل المشاكل هذى حلها حيكون الفيرجن اللى في الجهاز عندك رقمه (2)او(3.06)او(3.0706)او غيره روح اقرب مركز صيانه جوال وقله حط فيرجن(4)وفرمت الذاكره.
وبالنسبه للمشكله رقم (4) حلها تروح على الادوات-مدير الملفات -الذاكره تدخل على الاغانى النغمه اللى تبغاها حددها وحطها في (اصوات رقميه) وتضهر عندك في الاوضاع
تحذير:
وفي معلومه يمكن الكثير منكم مو عارفها اذا تبغى تعرف الجهاز اذا كان فيه مويه افتح غطاء البطاريه حتشوف الحساس حق الكميرا تحته في مستطيل صغير عادةً يجى لونه ابيض بس اذا كان احمر يعنى الجهاز دخلت فيه مويه.
والكويس في الجهاز الصوت مرررررررره كوووووووووووول عالى.

N70
ياخى هذا الجهاز كثييييييييير من الناس يذموه اللى يقلك يعلق واللى يقلك يطفى واللى يطلعلك اي مصيبه في الجهاز ويقلك والله جهاز دمااااااااااار والله انه احسن جهاز تحصلو مركب ذاكره 1G او 512MB ومعبي امها فل كابس على نسم اهلها ويقلك الجهاز منسم والله انك انت المنسم على باله الاخ الجوال كمبيوترانا معاى واحد مطور(N70 MUSIC EDITION) عمرى ماشتكيت من اى مشكله فيه صح ان اول دفعه كانت تعبانه بس من يوم ماتسوى سوفت وير للجهاز يصير كووووووووووووووول واقولكم اش المشاكل اللى في الدفعه القديمه.
1-يعلق
2-يطفي ويشتفل لحاله.
3-البلوتوث يقطع لمن ترسل مقطع طويل بالنسبه لل(N70 MUSIC EDITION).
4- كميرا الفيديو تقطع اثنا التصويربالنسبه لل(N70 MUSIC EDITION).
تقريبا هذى المشاكل الاساسيه.
الحل:
حتلقى الفيرجن اللى في الجهاز يبد ب(.2)او(.3)او(.4) روح اقرب مركز صيانه جوال وقله حط فيرجن(5.0705.3.0.1)هذا اخرفيرجن وفرمت الذاكره حيشتغل الجهاز 1000000%واذاقلت في مشكله في الجهاز عندى حل ثانى لك هذا اخر حل بيع الجوال اشتريلك (3310)العنيد الاول الطوبه وبس

E60
بصراحه الجهاز كووول ومعقول جهاز نسائى ! عارفين ليش عشان مافيه كميرا بس بلوتوث وذاكره يعنى حق زواجات وحق المدرسه والجهاز فيه مشكله وحده بس وحلها بسيط
1-الرسائل تجى بالمقلوب
الحل:
حتلقى الفيرجن اللى في الجهازيبدا ب(1)روح اقرب مركز صيانه جوال وقله حط فيرجن(2)او(3)

E50
جهاز حجمه صغير متوفر بكميرا وبدون وفيه ميزة (المساعد الصوتى) يعنى الله يحفضكم من كل شر يصلح للمكفوفين تشغل البرنامج
مثلا وتدخل على الرسائل ينطقلك الجهاز كلمه الرسائل وأى ايقونه تروح عليها ينطقها لك الجهاز وحتى اسمائك المخزنه في الجهاز ونرجع للمشاكل. مشكله الجهاز او بشكل اصح عيبه صوت الجرس ضغيف و احيانا اذا اتصل عليك احد يشتغل الاسبيكر لحاله(يعنى جهازك فيه جنى روح اقراء عليه)هى هى امزح معاك لاتصدق.
الحل:
مشكله الجهاز هارد وير روح اقرب مركز صيانه جوال.

5300-5200
هذولا الجهازين مافيهم اى مشاكل بس فيهم ميزه كمان حلو كثير يسئلونى عن جهاز خط كبير وارقامه كبيره يعنى للشيبان حقنا يفتحو عن طرق السحب وبذاكره

6085
هذا الجهاز كمان مافيه اى مشاكل وبرضه خطه كبير وشكله محترم يفتح عن طرق الثنى وفيه ذاكره.

6300
جهازخفيف وصغير الحجم تشوفه تقول لعبه بس ياعليه مشكله تولع الأذن والجهاز فيه ذاكره بس ماتقدر تنزل عليها برامج مشكله الجهاز
1- واجهته نيكل فلمن تكلم فيه 10دقايق متواصله تحصل الجهاز صار حاااااااار زي الجمره حق راس المعسل.
2- البطاريه تفرع سريعاً.
3-في بعض الاجهزه لمن تروح الاستيديو ماتلقى الذاكره تختفى احياناً وترجع .
الحل:
حتلقى السوفت وير اللى في الجهاز(3)روح اقرب مركز صيانه جوال وقله حط فيرجن(5). بس بالنسبه للجهاز لمن يسخن ماراح تنحل المشكله.
حل مشكله رقم( 3) تغيرi.c الذاكره في الجهاز

N76
جهاز راقى الشكل ونحيف شاشة كبيره وواضحه احرف كبيره بس فيه عيب صغير ان النيكل اللى في الجهاز يتمسح ويصير لونه ابيض كأن الجهازله معاك سنه وهو ماكمل اسبوعين وزى مانتم عارفين الضمانات ماتشمل الاكسسوارات بس في هذى المشكله حاله استثناء.
وبعض الاجهزه يطفى ويشتغل لحاله
الحل:
راجع اقرب مركز صيانه وهو يغيرلك فريم النيكل على الضمان.ويسوى سوفت وير للجهاز وفرمت الذاكره
وفي الختام
اتمنى ان الموضوع ينال اعجابكم وتكون عندكم فكره اكثر عن بعض مشاكل الجوالات وحلولها ولا تنسونا من خالص دعائكم
واذا في اي واحد يبغى يستفسر عن اى معلومه او مشكله في جهازه لا يتردر يكتبها .
واللى عنده معلومات اكثر لايبخل علينا ويفيدنا.
واللى عند اى ملاحظه عن الموضوع يتشرف ويورينا.
ملاحظه.
ان هذا الموضوع جهد شخصى الرجاء كل الرجاء ذكر المصدر عند النقل(منتدى ايفاوال)